នៅកូរ៉េខាងត្បូង រឿងអាស្រូវរវាងលោកស្រីប្រធានាធិបតីប៉ាក៉ គុនហេ និងលោកស្រីចយ ស៊ុនស៊ីលកំពុងបន្តក្លាយជាវិបត្តិនយោបាយមួយយ៉ាងធ្ងន់ធ្ងន់។ នៅថ្ងៃសៅរ៍ ទី៥ វិច្ឆិកានេះ មានពលរដ្ឋកូរ៉េខាងត្បូងជាច្រើនពាន់នាក់បានចុះផ្លូវធ្វើបាតុកម្មទាមទារឲ្យលោកស្រីប៉ាក់ គុនហេចុះចេញពីតំណែង។ មានកម្លាំងប៉ូលិសជាច្រើនពាន់នាក់ត្រូវបានដាក់ពង្រាយក្នុងទីក្រុងសេអ៊ូលដើម្បីធានាសន្តិសុខ និងប្រឆាំងទប់រាល់អំពើហិង្សាជាយថាហេតុ។
ទោះបីជាមានការហាមឃាត់ពីកម្លាំងប៉ូលិសមិនឲ្យដង្ហែក្បួនបាតុកម្មនៅតាមដងផ្លូវក្នុងទីក្រុងសេអ៊ូលដោយលើកយកហេតុផលស្ទះចរាចរណ៍ក៏ដោយ ក៏គេមិនអាចរារាំងបាតុករកូរ៉េខាងត្បូងប្រមាណជា ៤០ ០០០នាក់បានដែរ។ ពួកគេបាននាំគ្នាដង្ហែក្បួនបាតុកម្មរហូតដល់ខាងមុខវិមានប្រធានាធិបតីដោយស្រែកទាមទារឲ្យលោកស្រីប្រធានាធិបតីប៉ាក់ គុនហេចុះចេញពីតំណែង។ នៅក្នុងព្រឹត្តិការណ៍បាតុកម្មថ្ងៃនេះ រដ្ឋាភិបាលបានដាក់ពង្រាយកម្លាំងប៉ូលិសប្រមាណជា ២០ ០០០នាក់ដើម្បីប្រឆាំងទប់រាល់ទង្វើហិង្សាជាយថាហេតុដែលកើតចេញពីក្បួនបាតុកម្មនោះ។
ក្បួនបាតុកម្មថ្ងៃនេះបានធ្វើឡើង បន្ទាប់ពីលោកស្រីប៉ាក់ គុនហេបានធ្វើសេចក្តីថ្លែងការណ៍តាមកញ្ចក់ទូរទស្សន៍ដោយទឹកមុខស្រងូតស្រងាត់ថា លោកស្រីទទួលស្គាល់ពីកំហុសឆ្គងក្នុងរឿងអាស្រូវរវាងលោកស្រីជាមួយនឹងមិត្តភក្តិតាំងពី ៤០ឆ្នាំ គឺលោកស្រីចយ ស៊ុនស៊ីល។ ម្យ៉ាងទៀត លោកស្រីប៉ាក់ គុនហេបានបញ្ជាក់ថា លោកស្រីត្រៀមខ្លួនដើម្បីចូលឆ្លើយបំភ្លឺនៅមុខតុលាការ។ តែទន្ទឹមគ្នានេះ លោកស្រីប៉ាក់ គុនហេបានច្រានចោលព័ត៌មានដែលថា លោកស្រីមិនបានទទួលគំនាប ឬមួយទទួលឥទ្ធិពលអ្វីពីលោកស្រីចយ ស៊ុនស៊ីលនោះទេ។
គួរជម្រាបជូនថាមានអាយុ ៦០ឆ្នាំ លោកស្រីចយ ស៊ុនស៊ីលដែលត្រូវបានចាប់ខ្លួនកាលពី ២ថ្ងៃមុនកំពុងស្ថិតក្រោមការស៊ើបអង្កេតដើម្បីចង់ដឹងថា តើលោកស្រីមានបានប្រើឥទ្ធិពលរបស់លោកស្រីប៉ាក់ គុនហេដើម្បីប្រយោជន៍ជំនួញផ្ទាល់ខ្លួន ឬអត់។ ចំណែកមហាជនទូទៅកំពុងសម្តែងក្តីបារម្ភពីការដែលលោកស្រីចយ ស៊ុនស៊ីលបានលូកដៃនៅក្នុងកិច្ចការសម្ងាត់របស់រដ្ឋ ព្រោះលោកស្រីគ្មានតួនាទីអ្វីនៅក្នុងរដ្ឋាភិបាលទេ។ រីឯគណបក្សប្រជាធិបតេយ្យដែលជាបក្សប្រឆាំងដ៏សំខាន់ក៏បានទាមទារឲ្យលោកស្រីប៉ាក់ គុនហេចុះចេញពីតំណែងដែរ។
តែក្រុមអ្នកវិភាគបានមើលឃើញថា លោកស្រីប៉ាក់ គុនហេដែលត្រូវបញ្ចប់អាណត្តិជាផ្លូវការនៅឆ្នាំក្រោយ តែកំពុងមានកម្រិតប្រជាប្រិយភាពធ្លាក់ក្រោម ១០% ដោយសាររឿងអាស្រូវទាក់ទងនឹងលោកស្រីចយ ស៊ុនស៊ីល រួមទាំងវិបត្តិសេដ្ឋកិច្ចនោះ ពិបាកនឹងលាឈប់ពីតំណែងដោយខ្លួនឯង៕
ទោះបីជាមានការហាមឃាត់ពីកម្លាំងប៉ូលិសមិនឲ្យដង្ហែក្បួនបាតុកម្មនៅតាមដងផ្លូវក្នុងទីក្រុងសេអ៊ូលដោយលើកយកហេតុផលស្ទះចរាចរណ៍ក៏ដោយ ក៏គេមិនអាចរារាំងបាតុករកូរ៉េខាងត្បូងប្រមាណជា ៤០ ០០០នាក់បានដែរ។ ពួកគេបាននាំគ្នាដង្ហែក្បួនបាតុកម្មរហូតដល់ខាងមុខវិមានប្រធានាធិបតីដោយស្រែកទាមទារឲ្យលោកស្រីប្រធានាធិបតីប៉ាក់ គុនហេចុះចេញពីតំណែង។ នៅក្នុងព្រឹត្តិការណ៍បាតុកម្មថ្ងៃនេះ រដ្ឋាភិបាលបានដាក់ពង្រាយកម្លាំងប៉ូលិសប្រមាណជា ២០ ០០០នាក់ដើម្បីប្រឆាំងទប់រាល់ទង្វើហិង្សាជាយថាហេតុដែលកើតចេញពីក្បួនបាតុកម្មនោះ។
ក្បួនបាតុកម្មថ្ងៃនេះបានធ្វើឡើង បន្ទាប់ពីលោកស្រីប៉ាក់ គុនហេបានធ្វើសេចក្តីថ្លែងការណ៍តាមកញ្ចក់ទូរទស្សន៍ដោយទឹកមុខស្រងូតស្រងាត់ថា លោកស្រីទទួលស្គាល់ពីកំហុសឆ្គងក្នុងរឿងអាស្រូវរវាងលោកស្រីជាមួយនឹងមិត្តភក្តិតាំងពី ៤០ឆ្នាំ គឺលោកស្រីចយ ស៊ុនស៊ីល។ ម្យ៉ាងទៀត លោកស្រីប៉ាក់ គុនហេបានបញ្ជាក់ថា លោកស្រីត្រៀមខ្លួនដើម្បីចូលឆ្លើយបំភ្លឺនៅមុខតុលាការ។ តែទន្ទឹមគ្នានេះ លោកស្រីប៉ាក់ គុនហេបានច្រានចោលព័ត៌មានដែលថា លោកស្រីមិនបានទទួលគំនាប ឬមួយទទួលឥទ្ធិពលអ្វីពីលោកស្រីចយ ស៊ុនស៊ីលនោះទេ។
គួរជម្រាបជូនថាមានអាយុ ៦០ឆ្នាំ លោកស្រីចយ ស៊ុនស៊ីលដែលត្រូវបានចាប់ខ្លួនកាលពី ២ថ្ងៃមុនកំពុងស្ថិតក្រោមការស៊ើបអង្កេតដើម្បីចង់ដឹងថា តើលោកស្រីមានបានប្រើឥទ្ធិពលរបស់លោកស្រីប៉ាក់ គុនហេដើម្បីប្រយោជន៍ជំនួញផ្ទាល់ខ្លួន ឬអត់។ ចំណែកមហាជនទូទៅកំពុងសម្តែងក្តីបារម្ភពីការដែលលោកស្រីចយ ស៊ុនស៊ីលបានលូកដៃនៅក្នុងកិច្ចការសម្ងាត់របស់រដ្ឋ ព្រោះលោកស្រីគ្មានតួនាទីអ្វីនៅក្នុងរដ្ឋាភិបាលទេ។ រីឯគណបក្សប្រជាធិបតេយ្យដែលជាបក្សប្រឆាំងដ៏សំខាន់ក៏បានទាមទារឲ្យលោកស្រីប៉ាក់ គុនហេចុះចេញពីតំណែងដែរ។
តែក្រុមអ្នកវិភាគបានមើលឃើញថា លោកស្រីប៉ាក់ គុនហេដែលត្រូវបញ្ចប់អាណត្តិជាផ្លូវការនៅឆ្នាំក្រោយ តែកំពុងមានកម្រិតប្រជាប្រិយភាពធ្លាក់ក្រោម ១០% ដោយសាររឿងអាស្រូវទាក់ទងនឹងលោកស្រីចយ ស៊ុនស៊ីល រួមទាំងវិបត្តិសេដ្ឋកិច្ចនោះ ពិបាកនឹងលាឈប់ពីតំណែងដោយខ្លួនឯង៕
0 Comments