ក្រុមហ៊ុនបច្ចេកវិទ្យាស្លូវ៉ាគី​ ទទួលជោគជ័យក្នុងការសាកល្បងឡានហោះ (មានវីដេអូ)

ប្រាទីស្លាវ៉ា៖ ក្រុមហ៊ុនបច្ចេកវិទ្យា​ប្រទេសស្លូវ៉ាគី​​មួយ ដែលមានឈ្មោះថា KleinVision បានទទួលជោគជ័យក្នុងដំណើរធ្វើតេស្តសាកល្បងឡានហោះជាលើកដំបូងរបស់ខ្លួន ហើយក៏កំពុងសង្ឈឹមថាអាចនឹងចេញលក់​នៅលើទីផ្សារ​ក្នុងឆ្នាំ ២០២១ ខាងមុខដែរ។

AirCar

ក្រុមហ៊ុនបច្ចេកវិទ្យាខាងលើ បានចែករំលែកខ្សែវីដេអូ ដែលបង្ហាញពីសមត្ថភាពហោះហើរ​​នៃឡានហោះឈ្មោះថា AirCar ដែលត្រូវបានធ្វើឡើងនៅទីតាំងសាកល្បងមួយ ស្ថិតក្នុងអាកាសយានដ្ឋាន Piestany ប្រទេសស្លូវ៉ាគី កាលពីចុងខែតុលា។

AirCar

គួរជម្រាបដែរថា ​AirCar គឺជាប្រភេទឡានហោះ ដែលមានស្លាបអាច​បត់បែនបាន និងអាចហោះបានកម្ពស់ ៤៥៧ម៉ែត្រ ជាមួយនឹងរយៈចម្ងាយ  ៩៩៧គីឡូម៉ែត្រ។ ទន្ទឹមនឹងនេះ ក្រុមហ៊ុន KleinVision ក៏បាននឹងកំពុងសិក្សាពីដំណើរការផលិតយានយន្តប្រភេទផ្សេងទៀត ដែលអាចបើកនៅលើអាកាស ហើយអាចចុះចតនៅលើដី​និងលើទឹក៕